Новая методыка апрацоўкі вынікаў ЦТ будзе дакладна адлюстроўваць рэальныя веды абітурыентаў. Пра гэта паведаміла першы намеснік міністра адукацыі Ірына Старавойтава, паведамляе БелТА. Новая сістэма апрацоўкі вынікаў цэнтралізаванага тэставання ўводзіцца ў 2019 годзе.
«Пры існуючай сістэме вынік удзельніка тэставання залежыць ад таго, як выканалі тое ці іншае заданне іншыя абітурыенты — так званая сістэма ранжыравання. Пры выкарыстанні новага падыходу да кожнага тэставага задання будуць вызначаны першасныя балы, пра якія абітурыент будзе ведаць загадзя. Гэтым забяспечваецца пэўная адкрытасць. Абітурыент па меры выканання задання зможа адразу спрагназаваць свае вынікі. Плюсам новага падыходу стане тое, што вынік ЦТ перастане залежаць ад цяжкасці задання тэсту, рэзультат будзе дакладна адлюстроўваць рэальны ўзровень ведаў абітурыента па прадмеце», — сказала Ірына Старавойтава.
100-бальная сістэма ЦТ захаваецца, складанасць заданняў таксама застанецца ранейшай. Змены закрануць толькі спосаб апрацоўкі тэстаў.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?11
Каментары