У Форуму рэгіёнаў Беларусі і Украіны вялікая перспектыва, і практыку правядзення такіх мерапрыемстваў плануецца працягваць. Пра гэта Аляксандр Лукашэнка заявіў сёння на сустрэчы ў Гомелі з Пятром Парашэнкам, піша БелТА.
Кіраўнік дзяржавы адзначыў, што мерапрыемствы першага дня форуму напярэдадні прайшлі добра. «Людзі вельмі задаволеныя, пра многае дамовіліся, заключылі кантракты. Таму ў гэтага мерапрыемства вялікая перспектыва, і мы заўсёды будзем рады бачыць вас у Беларусі», — сказаў Лукашэнка.
Паводле яго слоў, наступны форум пройдзе на тэрыторыі Украіны. «І мы з задавальненнем вялікай дэлегацыяй прыедзем у той горад, які вы вызначыце», — сказаў беларускі лідар.
Аляксандр Лукашэнка цёпла вітаў Пятра Парашэнку ў Гомелі.
«Вы, напэўна, адчуваеце, што ён нічым не адрозніваецца ад выдатных украінскіх гарадоў. Гэта натуральна, бо да мяжы тут літаральна рукой падаць. Тут вельмі шмат жыве ўкраінцаў, грамадзян Украіны (асабліва ў апошні час), якія ў сувязі з канфліктам перасяліліся сюды», — адзначыў кіраўнік дзяржавы.
Ён прывёў звесткі, што ўсяго з Украіны ў Беларусь у гэты перыяд прыехалі прыкладна 150 тыс. чалавек, некаторыя ўжо вяртаюцца назад. «Але галоўнае не ў гэтым. Галоўнае ў тым, што гэты цяжкі перыяд мінуў. Бо нам трэба было людзям дапамагчы, працаўладкаваць, і мы з імі абыходзіліся, як са сваімі людзьмі. Так што Гомель — гэта добры, цёплы горад для ўкраінцаў», — дадаў ён.
Лукашэнка — Пуціну: Магілёў, Віцебск не адрозніваюцца ад расійскіх гарадоў
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары