Севярынца і Дашкевіча выклікаюць у міліцыю «ў якасці ўдзельнікаў крымінальнага працэсу»
Сустаршыню аргкамітэта па стварэнні партыі «Беларуская хрысціянская дэмакратыя» Паўла Севярынца, а таксама актывістаў апазіцыі Змітра Дашкевіча, Ганну Шапуцьку і Дзяніса Урбановіча выклікаюць раніцай 29 кастрычніка ў Бараўлянскі аддзел міліцыі Мінскага РУУС «у якасці ўдзельнікаў крымінальнага працэсу», піша Радыё Свабода.
Пра гэта паведаміў Павел Севярынец. Палітык адзначыў, што ў позве, якую ён атрымаў па пошце, не пазначана, які статус ён мае. Таксама незразумела, пра якую крымінальную справу ідзе гаворка. Паводле слоў Севярынца, ён мае намер праігнараваць выклік.
Ганна Шапуцька мяркуе, што выклік можа быць звязаны з актыўнасцю ўдзельнікаў кампаніі ў абарону Курапат і байкоту рэстарану «Паедзем паядзім», збудаванага ля ўрочышча.
Цяпер чытаюць
«Патраціла 300 рублёў — а яшчэ толькі сярэдзіна чэрвеня!» Беларусы абмяркоўваюць выдаткі на пакос травы і дзеляцца лайфхакамі3
Каментары