Улады ў Латвіі і Эстоніі стварылі фактычна зоны сегрэгацыі і апартэіду ў цэнтры Еўропы, абмежаваўшы рускамоўнае насельніцтва ў цэлым шэрагу правоў, заявіла спікер расійскага Савета Федэрацыі Валянціна Матвіенка, піша ria.ru
«У цэнтры Еўропы фактычна створаны зоны этнічнай сегрэгацыі і апартэіду. Я маю на ўвазе надзяленне ў Латвіі і Эстоніі каля 300 тысяч рускамоўнага насельніцтва зневажальным статусам «неграмадзян». Гэтыя людзі не толькі адхілены ад удзелу ў палітыцы, але і абмежаваныя ў цэлым шэрагу правоў», — заявіла Матвіенка на Другой маскоўскай канферэнцыі па супрацьдзеянні антысемітызму, ксенафобіі і расізму ў Маскве.
Спікер адзначыла і рост русафобіі, якая, па яе словах, выкарыстоўваецца «пэўнымі сіламі на Захадзе, у некаторых іншых дзяржавах» у якасці інструменту процідзеяння Расіі і палітыкі фарміравання шматпалярнага свету.
«За прыкладамі, як той казаў, далёка хадзіць не трэба. Усе мы ведаем, можам назваць пайменна дзяржавы, дзе вядзецца адкрытая прапаганда варожасці, нават нянавісці да прадстаўнікоў іншых народаў, адбываецца гераізацыя нацысцкіх злачынцаў і іх саўдзельнікаў. Дзе абмяжоўваецца права навучання, атрымання інфармацыі на роднай мове, ускладняецца доступ да скарбніцы нацыянальнай культуры», - заявіла Матвіенка.
Асабліва атрымалі поспех у гэтым плане, падкрэсліла яна, цяперашнія ўкраінскія ўлады, якія «фактычна ўзвялі русафобію ў ранг афіцыйнай ідэалогіі і палітыкі».
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»10
Каментары