Пошукі вяліся ўсю ноч.
У Барысаўскім раёне затрымалі мужчыну, які стрэліў у чалавека і схаваўся ў лесе. Пра гэта БЕЛТА паведамілі ва УУС Мінаблвыканкама.
Паведамленне ў міліцыю паступіла 29 лістапада ў 23.40. 27-гадовы жыхар вёскі Аздзяцічы паведаміў, што ў яго стралялі і ён паранены. Страляў знаёмы — 40-гадовы жыхар суседняга Дроздзіна. На месца неадкладна выехала кіраўніцтва Барысаўскага РУУС, былі накіраваныя супрацоўнікі крымінальнага вышуку, следча-аператыўная група.
Ужо на месцы высветлілася, што стралок разам са зброяй схаваўся ў лесе. Быў уведзены спецыяльня план «Сірэна». На ногі паднялі асабісты склад раённага ўпраўлення, да пошукаў былі падключаныя супрацоўнікі міліцыі найбліжэйшых раёнаў.
На месца падзей выехалі супрацоўнікі абласнога АМАПа, курыраваў аперацыю начальнік УУС Мінаблвыканкама Аляксандр Кавальчук», - распавялі ва УУС.
З супрацоўнікаў Барысаўскага РУУС і АМАП аператыўна сфармавалі пошукавыя групы. Аналіз дазволіў вызначыць месцы магчымага з'яўлення ўзброенага злачынцы — у першую чаргу звярталася ўвага на найбліжэйшыя населеныя пункты, закінутыя дамы, сельхгаспабудовы. На аўтадарогі раёна накіравалі узмоцненыя патрулі ДАІ.
Стралка шукалі ў лесе і ў найбліжэйшай мясцовасці. З супрацоўнікаў Барысаўскага РУУС і АМАП аператыўна сфармавалі пошукавыя групы.
У выніку ён быў затрыманы на золку адной з засадных груп з супрацоўнікаў крымінальнага вышуку Барысаўскага РУУС. «Яна размяшчалася ля аднаго з меркаваных выхадаў мужчыны з лесу. Зламыснік супраціву не аказваў. Зброі пры ім не было.
Затрыманы паведаміў, што схаваў стрэльбу ў адным з закінутых дамоў непадалёк ад месца жыхарства.
Паводле папярэдніх звестак, прычынай здарэння быў зацяжны канфлікт на бытавой глебе паміж фігурантам і яго знаёмым. Акрамя таго, дадатковым каталізатарам магло стаць ужыванне алкаголю. Па наяўнай інфармацыі, вясковец перад тым як адправіцца на разборкі выпіў.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары