Pošuki vialisia ŭsiu noč.
U Barysaŭskim rajonie zatrymali mužčynu, jaki streliŭ u čałavieka i schavaŭsia ŭ lesie. Pra heta BIEŁTA paviedamili va UUS Minabłvykankama.
Paviedamleńnie ŭ milicyju pastupiła 29 listapada ŭ 23.40. 27-hadovy žychar vioski Aździacičy paviedamiŭ, što ŭ jaho stralali i jon paranieny. Stralaŭ znajomy — 40-hadovy žychar susiedniaha Droździna. Na miesca nieadkładna vyjechała kiraŭnictva Barysaŭskaha RUUS, byli nakiravanyja supracoŭniki kryminalnaha vyšuku, śledča-apieratyŭnaja hrupa.
Užo na miescy vyśvietliłasia, što strałok razam sa zbrojaj schavaŭsia ŭ lesie. Byŭ uviedzieny śpiecyjalnia płan «Sirena». Na nohi padniali asabisty skład rajonnaha ŭpraŭleńnia, da pošukaŭ byli padklučanyja supracoŭniki milicyi najbližejšych rajonaŭ.
Na miesca padziej vyjechali supracoŭniki abłasnoha AMAPa, kuryravaŭ apieracyju načalnik UUS Minabłvykankama Alaksandr Kavalčuk», - raspaviali va UUS.
Z supracoŭnikaŭ Barysaŭskaha RUUS i AMAP apieratyŭna sfarmavali pošukavyja hrupy. Analiz dazvoliŭ vyznačyć miescy mahčymaha źjaŭleńnia ŭzbrojenaha złačyncy — u pieršuju čarhu źviartałasia ŭvaha na najbližejšyja nasielenyja punkty, zakinutyja damy, sielchhaspabudovy. Na aŭtadarohi rajona nakiravali uzmocnienyja patruli DAI.
Strałka šukali ŭ lesie i ŭ najbližejšaj miascovaści. Z supracoŭnikaŭ Barysaŭskaha RUUS i AMAP apieratyŭna sfarmavali pošukavyja hrupy.
U vyniku jon byŭ zatrymany na zołku adnoj z zasadnych hrup z supracoŭnikaŭ kryminalnaha vyšuku Barysaŭskaha RUUS. «Jana raźmiaščałasia la adnaho ź mierkavanych vychadaŭ mužčyny ź lesu. Złamyśnik supracivu nie akazvaŭ. Zbroi pry im nie było.
Zatrymany paviedamiŭ, što schavaŭ strelbu ŭ adnym z zakinutych damoŭ niepadalok ad miesca žycharstva.
Pavodle papiarednich źviestak, pryčynaj zdareńnia byŭ zaciažny kanflikt na bytavoj hlebie pamiž fihurantam i jaho znajomym. Akramia taho, dadatkovym katalizataram mahło stać užyvańnie ałkaholu. Pa najaŭnaj infarmacyi, viaskoviec pierad tym jak adpravicca na razborki vypiŭ.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary