Цяжарная мазыранка зарэгістравалася ў чарнобыльскай зоне — хацела большай грашовай дапамогі
Перад родамі цяжарная жыхарка Мазыра зарэгістравалася на тэрыторыі радыеактыўнага забруджвання дзеля таго, каб атрымліваць большую грашовую дапамогу, паведамляе Генпракуратура.
Цяжарная жанчына перад нараджэннем двайнят арандавала кватэру ў Нароўлі і зарэгістравалася па новым адрасе. Пры гэтым працягвала жыць у доме мужа ў Мазыры. Таксама будучая мама атрымала пасведчанне пацярпелага ад катастрофы на Чарнобыльскай АЭС. Гэта дало права прызначэння ёй дапамогі па догляду за дзіцем да дасягнення ім трохгадовага ўзросту ў павялічаным на 50% памеры.
Пракуратура Нараўлянскага раёна праверыла законнасць прызначэння жанчыне статусу пацярпелай ад катастрофы на Чарнобыльскай АЭС. Аказалася, што нованароджаныя дзеці зарэгістраваныя ў Мазыры і назіраюцца ў мясцовай гарадской дзіцячай бальніцы.
Пракурор Нараўлянскага раёна прад'явіў у суд пазоў аб прызнанні дамовы найму жылога памяшкання несапраўднай і адмене рэгістрацыі жанчыны ў Нароўлі. Пасля яна добраахвотна скасавала дамову найму.
Справу спынілі — жанчыну караць не будуць.
-
«Абутак для сапраўдных патрыётаў»: беларуская фабрыка робіць для школьнікаў боты з чырвона-зялёнымі шнуркамі
-
Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
Каментары