Грамадства3535

Пасол Бабіч назваў трагедыяй для праваслаўнага свету наданне аўтакефаліі Украінскай царкве

Наведваючы манастыр у Жыровічах 7 студзеня, пасол Расіі ў Беларусі Міхаіл Бабіч адказаў на пытанні журналістаў пра сённяшняе становішча праваслаўнай царквы ва Украіне.

belarus.mid.ru

«Усё, што зараз адбываецца ў брацкай Украіне ў сувязі з прадастаўленнем аўтакефаліі царкве — гэта вялікая трагедыя для ўсяго праваслаўнага свету, праваслаўных вернікаў і Рускай праваслаўнай царквы. Спроба ўнесці раскол ідзе не толькі па лініі ўкраінскіх вернікаў, але гэта і ў цэлым спроба расколу Рускай праваслаўнай царквы. Самае страшнае, што цяпер адбываецца спроба пад прыкрыццём раскольніцкіх дзеянняў падзяліць людзей па палітычнай прыкмеце», — звярнуў увагу Міхаіл Бабіч.

«Сітуацыя, якая складваецца вакол ўкраінскіх вернікаў павінна атрымаць самую сур'ёзную ацэнку. Мы павінны рабіць усё для таго, каб гэты раскол не адбыўся. Нашым праваслаўным украінскім братам трэба дапамагчы не дапусціць самых негатыўных палітычных наступстваў, якія могуць выцякаць з прынятых рашэнняў. Працэс рукатворны і мы бачым, што ён штучны. Для гэтага выкарыстоўваецца велізарны адміністрацыйны рэсурс. Гэта спроба палітычных маніпуляцый і спроба ўнесці раскол у праваслаўны свет», — цытуе словы Бабіча сайт расійскага пасольства.

15 снежня 2018 года ў Кіеве прайшоў аб'яднаўчы сабор, на якім была заснавана адзіная памесная праваслаўная царква Украіны. Яе ўзначаліў 39-гадовы мітрапаліт Епіфаній, што належаў раней да Кіеўскага патрыярхата.

Канстанцінопальскі (Усяленскі) патрыярх Варфаламей падпісаў 5 студзеня томас (царкоўны указ) аб прадастаўленні аўтакефаліі Праваслаўнай царкве Украіны (ПЦУ). 6 студзеня томас быў урачыста перададзены ў Стамбуле прадстаўнікам украінскай царквы ў прысутнасці прэзідэнта Пятра Парашэнкі.

Адметна, што на сінодзе РПЦ, што прайшоў у Мінску 15 кастрычніка, было прынята рашэнне пра разрыў адносінаў паміж РПЦ і Канстанцінопалем.

Каментары35

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Што стала прычынай смерці трох работнікаў «Беларуснафты» падчас рамонту на трасе

Што стала прычынай смерці трох работнікаў «Беларуснафты» падчас рамонту на трасе

Усе навіны →
Усе навіны

У Германіі сышоў з рэек пасажырскі цягнік. Ёсць загінулыя1

Праз Сонечную сістэму ляціць аб'ект, паводзіны якога нагадваюць кіраваны касмічны карабель18

Расійскі дрон атакаваў рэйсавы аўтобус у Сумскай вобласці. Ёсць ахвяры3

У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога4

Фларэнцыю назвалі найлепшым горадам Еўропы для турызму2

Найбуйнейшая сетка фастфуду ў свеце, пра якую амаль не ведаюць на Захадзе1

Былы палітвязень Сяргей Шэлег параўнаў Валадарку з гасцініцай у Эфіопіі. Кажа, гэта дапамагло ўспрыняць рэальнасць1

Стала вядома імя яшчэ аднаго агента КДБ, які можа быць датычным да знікнення Мельнікавай18

Пад Іванавам перакулілася маршрутка: сем чалавек у бальніцы

больш чытаных навін
больш лайканых навін

Што стала прычынай смерці трох работнікаў «Беларуснафты» падчас рамонту на трасе

Што стала прычынай смерці трох работнікаў «Беларуснафты» падчас рамонту на трасе

Галоўнае
Усе навіны →

Заўвага:

 

 

 

 

Закрыць Паведаміць