Суд абвясціў прысуд 14-гадоваму мінскаму школьніку, які з нажом напаў на бацьку
Судовы працэс над 14-гадовым С. праходзіў у закрытым рэжыме. Сёння суд Ленінскага раёна Мінска прызнаў школьніка вінаватым у замаху на забойства і прысудзіў да мінімальнага пакарання — шэсць гадоў пазбаўлення волі ў выхаваўчай калоніі, піша Tut.by.
Крымінальны разгляд у дачыненні да С. пачаўся ў канцы снежня 2018 года. З улікам таго, што абвінавачаны непаўнагадовы, працэс праходзіў у закрытым рэжыме.
— Вельмі цяжка бачыць сына за кратамі, — казаў у першы дзень суда пацярпелы Дзмітрый Цімашкоў, бацька абвінавачанага.
З удзельнікаў была ўзятая падпіска аб неразгалошанні, таму дэталі таго, што адбывалася ў судзе, ні журналісты, ні староннія людзі не ведалі.
У чацвер, 17 студзеня, суд абвясціў рашэнне: шэсць гадоў у выхаваўчай калоніі.
Нагадаем, вучню 9 класа было прад'яўленае абвінавачванне па па ч.1 арт. 14, ч.1 арт. 139 КК (Замах на забойства). Па версіі следства, 24 верасня 2018 года ён напаў на бацьку, нанёсшы шэсць нажавых удараў. Дзмітрый Цімашкоў, якога шмат хто ведае як Лільчынага тату, распавёў, як здарылася трагедыя.
— Спачатку ўсё здавалася дурным жартам. Удары за спіной былі падобныя на балючыя электрычныя разрады. Я не падумаў адразу, што гэта нож, думаў, што сын проста забаўляецца. Шок … Паварочваюся і бачу сваё дзіця з абсалютна халоднымі вачыма, трымае нож у руцэ і глядзіць на мяне, як паляўнічы. Пачалася барацьба. Калі шчыра, з цяжкасцю ўдалося забраць нож. Стала цяжка дыхаць, ад крыві майка прыліпла да спіны. Вельмі добра памятаю, як С. сказаў: «Я цябе ненавіджу». І гэта кажа дзіця, якога я так люблю? Я стаў крычаць: «Што ты нарабіў? Ты ж разбурыў увесь свет! Выклікай хуткую! »У выніку міліцыя прыехала раней, чым брыгада лекараў. Калі ў кватэру ўвайшлі ўзброеныя хлопцы ў касках і спыталі, хто нападнік, С. спакойна адказаў: «Я».
У гэтай гісторыі не ўсе сталі на бок бацькі, некаторыя абвінавацілі Дзмітрыя ў тым, што занадта мала надаваў С. часу, усё больш займаючыся Ліліяй. Выхоўваў сына жорстка, пазбаўляў мабільнага тэлефона, ігнараваў жаданні самога дзіцяці. У судзе абвінавачанага падлетка абараняў адвакат, якога нанялі актывісты з фэйсбука. Знаходзячыся ў СІЗА, 14-гадовы С. напісаў некалькі лістоў маме, з бацькам на сувязь ён не выходзіў.
Прысуд не ўступіў у законную сілу і можа быць абскарджаны.
Школьніку, які кінуўся з нажом на тату, чужыя людзі нанялі адваката, а цяпер шукаюць кампрамат на сям'ю — падрабязнасці
Лукашэнка пераабуўся: Позна ўвечары Мінск пагрузілі ў цемру. Навошта? Я ж ад вас гэтага не патрабаваў20
Каментары