Sud abviaściŭ prysud 14-hadovamu minskamu školniku, jaki z nažom napaŭ na baćku

Sudovy praces nad 14-hadovym S. prachodziŭ u zakrytym režymie. Siońnia sud Leninskaha rajona Minska pryznaŭ školnika vinavatym u zamachu na zabojstva i prysudziŭ da minimalnaha pakarańnia — šeść hadoŭ pazbaŭleńnia voli ŭ vychavaŭčaj kałonii, piša Tut.by.

Kryminalny razhlad u dačynieńni da S. pačaŭsia ŭ kancy śniežnia 2018 hoda. Z ulikam taho, što abvinavačany niepaŭnahadovy, praces prachodziŭ u zakrytym režymie.

— Vielmi ciažka bačyć syna za kratami, — kazaŭ u pieršy dzień suda paciarpieły Dźmitryj Cimaškoŭ, baćka abvinavačanaha.

Z udzielnikaŭ była ŭziataja padpiska ab nierazhałošańni, tamu detali taho, što adbyvałasia ŭ sudzie, ni žurnalisty, ni staronnija ludzi nie viedali.

U čaćvier, 17 studzienia, sud abviaściŭ rašeńnie: šeść hadoŭ u vychavaŭčaj kałonii.

Nahadajem, vučniu 9 kłasa było pradjaŭlenaje abvinavačvańnie pa pa č.1 art. 14, č.1 art. 139 KK (Zamach na zabojstva). Pa viersii śledstva, 24 vieraśnia 2018 hoda jon napaŭ na baćku, naniosšy šeść nažavych udaraŭ. Dźmitryj Cimaškoŭ, jakoha šmat chto viedaje jak Lilčynaha tatu, raspavioŭ, jak zdaryłasia trahiedyja.

— Spačatku ŭsio zdavałasia durnym žartam. Udary za śpinoj byli padobnyja na balučyja elektryčnyja razrady. Ja nie padumaŭ adrazu, što heta nož, dumaŭ, što syn prosta zabaŭlajecca. Šok … Pavaročvajusia i baču svajo dzicia z absalutna chałodnymi vačyma, trymaje nož u ruce i hladzić na mianie, jak palaŭničy. Pačałasia baraćba. Kali ščyra, ź ciažkaściu ŭdałosia zabrać nož. Stała ciažka dychać, ad kryvi majka prylipła da śpiny. Vielmi dobra pamiataju, jak S. skazaŭ: «Ja ciabie nienavidžu». I heta kaža dzicia, jakoha ja tak lublu? Ja staŭ kryčać: «Što ty narabiŭ? Ty ž razburyŭ uvieś śviet! Vyklikaj chutkuju! »U vyniku milicyja pryjechała raniej, čym bryhada lekaraŭ. Kali ŭ kvateru ŭvajšli ŭzbrojenyja chłopcy ŭ kaskach i spytali, chto napadnik, S. spakojna adkazaŭ: «Ja».

U hetaj historyi nie ŭsie stali na bok baćki, niekatoryja abvinavacili Dźmitryja ŭ tym, što zanadta mała nadavaŭ S. času, usio bolš zajmajučysia Lilijaj. Vychoŭvaŭ syna žorstka, pazbaŭlaŭ mabilnaha telefona, ihnaravaŭ žadańni samoha dziciaci. U sudzie abvinavačanaha padletka abaraniaŭ advakat, jakoha naniali aktyvisty z fejsbuka. Znachodziačysia ŭ SIZA, 14-hadovy S. napisaŭ niekalki listoŭ mamie, z baćkam na suviaź jon nie vychodziŭ.

Prysud nie ŭstupiŭ u zakonnuju siłu i moža być abskardžany.

Školniku, jaki kinuŭsia z nažom na tatu, čužyja ludzi naniali advakata, a ciapier šukajuć kampramat na siamju — padrabiaznaści

• 0
• 0
• 0
• 0
• 0
• 0
• 0
• 0