Еўрапейскія краіны дасягнулі пагаднення па пытанні, як рэгуляваць расійскі газаправод «Паўночны паток — 2». Пра гэта заявіла канцлер Нямеччыны Ангела Меркель, перадае Reuters.
Яна адмовілася раскрываць дэталі пагаднення.
«Што тычыцца Газавай дырэктывы, мы дасягнулі пагаднення, і гэта стала магчымым дзякуючы таму, што Германія і Францыя цесна супрацоўнічалі», — сказала канцлер падчас прэс-канферэнцыі.
У пятніцу, 8 лютага, дыпламаты з 28 краін Еўрасаюза разгледзелі кампрамісную франка-германскую прапанову па Газавай дырэктыве, якая рэгулюе абарот газу на тэрыторыі Еўропы. Прынятая прапанова змякчае пункты, якія маглі б перашкодзіць поўнай рэалізацыі «Паўночнага патоку — 2».
Каментары