Палац у Свяцку зноў не прадалі. Цяпер стартавую цану маюць скараціць яшчэ на 50%, да $2,95 млн.
Цяпер стартавую цану маюць скараціць яшчэ на 50%, да $2,95 млн.
Чарговы аўкцыён па продажы палацава-паркавага комплексу ў Свяцку Гродзенскага раёну 19 снежня не адбыўся, бо як і ў мінулы раз не было пададзена заявак на ўдзел. Стартавая цана комплексу была зніжаная на 20% і складала 13,3 млрд рублёў ($5,9 млн). Цяпер стартавы кошт маюць скараціць яшчэ на 50%. У выпадку, калі прадаць палац не ўдасца, то яго лёс вырашыць уласнік — Гродзенскі райвыканкам. Адзін з магчымых варыянтаў, які разглядае ўласнік, — перадача палацу Нацбанку.
Дата наступнага аўкцыёну пакуль не прызначаная, паведамілі ў Гродзенскім абласным тэрытарыяльным фондзе дзяржмаёмасці. Вядома, што таргі адбудуцца ўжо ў наступным годзе.
Палац у стылі барока збудаваў італьянскі архітэктар Джузэпе Сака, які з’яўляецца аўтарам іншых будынкаў, створаных у суседняй Горадні ў часы апошняга караля Рэчы Паспалітай Станіслава Аўгуста Панятоўскага. Знаходзіцца ў спісе помнікаў рэспубліканскага значэння.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім17
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3636
Каментары