Расія рыхтавалася дапамагчы італьянскаму віцэ-прэм'еру Матэа Сальвіні дасягнуць поспеху на выбарах у Еўрапарламент у маі падпольным фінансаваннем у памеры 3 мільёны еўра для яго партыі «Ліга Поўначы». Пра гэта гаворыцца ў расследаванні L'Espresso.
Грошы павінны былі паступаць праз пагадненне аб пастаўках дызельнага паліва, складзенае паміж расійскай дзяржаўнай кампаніяй і памочнікам Сальвіні Джанлукам Саваіні ў Маскве ў кастрычніку мінулага года.
Саваіні здзейсніў дзясяткі паездак у Маскву, Крым і на Данбас і з самага пачатку ўзначальваў перамовы па расійскім фінансаванні Сальвіні, гаворыцца ў матэрыяле.
Журналісты сачылі за сустрэчай Саваіні з расейцамі ў Маскве, якую ў Сальвіні не афішавалі. Гаворка ішла пра пастаўкі 250 тысяч тон расійскага паліва італьянскай кампаніі.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары