Дэбаты кандыдатаў у прэзідэнты Украіны Пятра Парашэнкі і Уладзіміра Зяленскага не прынеслі нікому з іх пераваг. Такое меркаванне выказаў Аляксандр Лукашэнка пасля суботніка на «Лініі Сталіна», паведамляе БелТА.
«Я першапачаткова не прыняў такую форму зносін. Але, напэўна, у цяперашняга прэзідэнта і выбару не было. Яго паклікалі, і адмовіцца неяк няёмка: палічаць, што баязлівец. Валодзя Зяленскі спецыяліст у гэтым плане. Ён, як сам сябе называе, шоўмэн, ён артыст», — сказаў Аляксандр Лукашэнка.
Ён заўважыў, што любы кіраўнік дзяржавы хоча добра выглядаць перад грамадзянамі і з'яўляецца асобай свайго народа. Кожны палітык у нейкай ступені з'яўляецца артыстам. «Не трэба яго [Зяленскага] папракаць у тым, што ён артыст, — сказаў Лукашэнка. — Што тычыцца Пятра Парашэнкі, вы ўчора заўважылі: ён абсалютна ні ў чым не саступаў Валодзю Зяленскаму. Гэта баец і сапраўдны палітык».
Лукашэнка ўпэўнены, што ў Беларусі застануцца цёплыя адносіны з Украінай незалежна ад выніку прэзідэнцкіх выбараў. «Каго б ўкраінскі народ ні выбраў прэзідэнтам, у нас застануцца самыя добрыя і цёплыя адносіны з гэтай краінай, — перакананы ён. — Калі гэта будзе Пётр Парашэнка, нам нічога не трэба выбудоўваць: мы нашы адносіны выбудавалі. Бывала добра, бывала горш, але мы заўсёды знаходзілі рашэнне пытанняў».
Што да кандыдатуры Зяленскага, кіраўнік беларускай дзяржавы адзначыў, што гэта чалавек новы ў палітыцы і неспрактыкаваны. Аднак і сам Аляксандр Лукашэнка ў пачатку прэзідэнцкай працы быў такім жа. «Я таксама быў калісьці яшчэ маладзейшым і яшчэ больш недасведчаным, таму ці мне ацэньваць Зяленскага? Але я перакананы, што, калі краіна вызначыцца і абярэ Зяленскага, мы выбудуем такія ж добрыя адносіны, — заявіў Лукашэнка. — Калі ўжо шчыра казаць, тут ад Лукашэнкі, Парашэнкі і Зяленскага мала што залежыць. Залежыць больш ад народа, ад таго, што мы родныя і жывем побач «.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі22
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары