Суд Кастрычніцкага раёна Магілёва асудзіў намесніка генеральнага дырэктара ААТ «Белшына». Міхаіла Канапліцкага прызналі вінаватым у атрыманні хабару і махлярстве, піша Tut.by.
Канапліцкага асудзілі на 7 гадоў калоніі ўзмоцненага рэжыму з канфіскацыяй усёй маёмасці. Прысуд не набыў моц і можа быць абскарджаны.
Канапліцкага затрымалі ў красавіку 2018 года ў Магілёве падчас атрымання хабару 30 тысяч рублёў ад дырэктара будаўнічай арганізацыі. За гэта намеснік гендырэктара «Белшыны» павінен быў падпісаць з будаўнічай арганізацыяй дамову аб выкананні дэмантажных і будаўнічых працаў на аб’ектах «Белшыны».
Супраць Канапліцкага пачалі крымінальную справу за атрымання хабару. Пазней высветлілі, што эпізодаў хабарніцтва было 5 на агульную суму 64 тысячы рублёў.
З Лондана Мельнікава вылецела на Шры-Ланку, у яе быў каханак спартовага выгляду з Беларусі22
Каментары