Цыбуля за мінулы тыдзень падаражэла ўдвая. Не толькі ў Беларусі, ва ўсім рэгіёне
Цэны на цыбулю ў краінах Цэнтральнай Азіі рэзка павялічыліся праз ўзрастанне попыту на прадукцыю з краін Еўрасаюза.
Пра гэта піша «Еўрапейская праўда» са спасылкай на East Fruit.
За тыдзень цэны на цыбулю новага ўраджаю ў Таджыкістане ўзраслі больш як у тры разы — з $80 за тону да $260. Ва Узбекістане цэны на цыбулю ўраджаю 2019 года ўзраслі за тыдзень са $100—$150 за тону да $300 даляраў.
Эксперты EastFruit прагназуюць, што цэны на цыбулю ў Еўрасаюзе ў бліжэйшы час будуць працягваць расці, бо дэфіцыт прадукцыі на рынку пастаянна аказваецца большым за чаканы ўзровень.
Беларускія спажыўцы ўжо маглі сутыкнуцца з дэфіцытам цыбулі. Так, у супермаркетах Мінска імпартаваная з Азіі, звыклая для спажыўца цыбуля наогул знікла. Прадаецца толькі белая цыбуля, нібыта прывезеная з Галандыі, і імпартны шалот па цане ад 8 рублёў за кілаграм.
У невялікіх мінскіх крамах і на рынку цыбуля прадаецца па 2 рублі за кілаграм, пры тым што тыдзень таму яе прадавалі па рублю.
У загінулай у Сляпянцы дзяўчыне апазналі Яну Кастранкову2
Каментары