Cybula za minuły tydzień padaražeła ŭdvaja. Nie tolki ŭ Biełarusi, va ŭsim rehijonie
Ceny na cybulu ŭ krainach Centralnaj Azii rezka pavialičylisia praz ŭzrastańnie popytu na pradukcyju z krain Jeŭrasajuza.
Pra heta piša «Jeŭrapiejskaja praŭda» sa spasyłkaj na East Fruit.
Za tydzień ceny na cybulu novaha ŭradžaju ŭ Tadžykistanie ŭzraśli bolš jak u try razy — z $80 za tonu da $260. Va Uźbiekistanie ceny na cybulu ŭradžaju 2019 hoda ŭzraśli za tydzień sa $100—$150 za tonu da $300 dalaraŭ.
Ekśpierty EastFruit prahnazujuć, što ceny na cybulu ŭ Jeŭrasajuzie ŭ bližejšy čas buduć praciahvać raści, bo deficyt pradukcyi na rynku pastajanna akazvajecca bolšym za čakany ŭzrovień.
Biełaruskija spažyŭcy ŭžo mahli sutyknucca z deficytam cybuli. Tak, u supiermarkietach Minska impartavanaja z Azii, zvykłaja dla spažyŭca cybula naohuł źnikła. Pradajecca tolki biełaja cybula, nibyta pryviezienaja z Hałandyi, i impartny šałot pa canie ad 8 rubloŭ za kiłahram.
U nievialikich minskich kramach i na rynku cybula pradajecca pa 2 rubli za kiłahram, pry tym što tydzień tamu jaje pradavali pa rublu.
Kamientary