Віктар Лукашэнка з беларускімі бізнэсменамі адкрылі мотасезон у Варонежы ФОТЫ
Сёлета мотафестываль H.O.G. Rally і адкрыццё сезону «Харлеяў» прайшлі не ў Мінску, а ў Варонежы. Але ў ім ўзяла ўдзел беларуская дэлегацыя на чале са старэйшым сынам кіраўніка краіны Віктарам Лукашэнкам, піша Tut.by.
Асноўнымі арганізатарамі H.O.G. Spring Challenge — 2019 з'яўляюцца клуб Iron Birds Chapter (заснавальнікі — сын генпракурора РФ Арцём Чайка і Віктар Лукашэнка), які аб'ядноўвае матацыклістаў з Расіі і Беларусі, і Harley-Davidson Расія і СНД.
Па словах арганізатараў, сталіца Чарназем'я была абраная выязной пляцоўкай з-за зручнага размяшчэння (блізкасць да Масквы, наяўнасць федэральнай трасы М-4 «Дон»), а таксама развітай інфраструктуры, якая дазваляе не толькі прыняць вялікую колькасць гасцей, але і забяспечыць кожнаму камфортны і цікавы адпачынак.
— H.O.G. Spring Challenge — не проста байкерскі фестываль. Наша мэта — ва ўмацаванні дружбы паміж людзьмі, паміж гарадамі і краінамі. Часам мы не ведаем нават сваіх суседзяў па лесвічнай клетцы, а тут прыязджаем знаёміцца, завязваем адносіны, і сёння гэта вельмі важна, — адзначыў перад стартам мотапарад Арцём Чайка.
З'яўленне памочніка прэзідэнта Беларусі па пытаннях нацыянальнай бяспекі Віктара Лукашэнкі на фестывалі выклікала павышаную цікавасць удзельнікаў і гледачоў. Зносіны ў рамках мотафестывалю Лукашэнка назваў «народнай дыпламатыяй», падкрэсліўшы, што яна часцяком прыносіць больш пладоў, чым палітыка, гаворыцца на сайце ўрада Варонежскай вобласці.
Беларуская дэлегацыя ехала на дзевяці байках. Як паведамляе РІА «Варонеж», беларусы па дарозе патрапілі ў навальніцу.
Раней арганізатары H.O.G. Rally паведамілі, што закрыццё мотасезона па-ранейшаму будзе праводзіцца ў Мінску. У гэтым годзе яно адбудзецца 14 верасня і будзе арганізавана з ранейшым размахам — розных актыўных і выступамі артыстаў.
Цяпер чытаюць
Ігар Тур патраціў мінімум 30 тысяч на прэміяльную кухню ФОТА10
Каментары