На сераду Нацыянальны банк устанавіў курс еўра на ўзроўні 3 451 рубель 44 капейкі. Аднак на біржавых таргах па-ранейшаму назіраецца вялізнае перавышэнне попыту на валюту над прапановай.
Нацбанк Беларусі ўстанавіў на сераду, 21 студзеня, наступныя курсы афіцыйных валют.
Даляр ЗША (2 665 рублёў, быў на аўторак на ўзроўні - 2 655 рублёў),
еўра - 3 451 рубель 44 капейкі (быў на аўторак 3 526, 27),
расійскі рубель — 79,75 (быў 80,68).
Такім чынам за тры тыдні, што прайшлі ад Новага году, афіцыйны курс еўра ў Беларусі знізіўся на 251 рубель 56 капеек, ці на 6,8% (пасля дэвальвацыі, на 2 студзеня курс адзінай еўрапейскай валюты быў устаноўлены на ўзроўні 3 703 рублі).
Даляр за тры тыдні падаражаў на 15 рублёў.
На 11 рублёў за тры тыдні патаннеў расійскі рубель (з 90 рублёў 16 капеек). У Расіі нагадаем ідзе плаўная дэвальвацыя рубля. Цэнтрабанк Расіі на сераду абвясціў афіцыйны курс даляра на ўзроўні 33 расійскіх рублёў 42 капеек.
Неўзабаве расійскі рубель у Беларусі можа вярнуцца на данавагоднія пазіцыі (76,89).
Што да курсаў валют у абменных пунктах сталіцы, то здаць даляр можна па цане 2620 —2 660 рублёў, набыць 2 675 — 2705 рублёў.
Еўра, калі пашэнціць, можна здаць па курсе 3 500 (а так 3 420 —3 460), набыць па курсе 3500 — 3 595.
Аднак на біржавых таргах па-ранейшаму назіраецца вялізнае перавышэнне попыту на валюту над прапановай: у аўторак попыт на даляры на БВФБ ізноў на 35 мільёнаў перавышаў прапанову.
Цяпер чытаюць
Мінск, Варшава, Вільня — параўноўваем, дзе прасцей купіць кватэру чалавеку з сярэдняй зарплатай5
Каментары