У суполцы АўтаГродна карыстальніца апублікавала фота дзяўчыны на ровары з просьбай дапамагчы знайсці веласіпедыстку. У рэдакцыю АўтаГродна скінулі спасылку на відэа, дзе дзяўчына стварыла аварыйную сітуацыю. Яна пераехала дарогу, не злезшы з ровара, на чырвоны сігнал святлафора, што прывяло да аварыі.
Выпадак адбыўся на скрыжаванні вуліц Ліможа і Курчатава. Дзяўчына выехала на праезную частку на чырвоны сігнал святлафора. Каб яе не збіць, кіроўца VW Golf выціснуў педаль тормаза, а аўтар відэа не паспеў.
Дзяўчына працягнула рух у камфортным рытме і перасекла ўсю вуліцу на чырвонае. Пашанцавала, што з іншага кірунку аўтамабілі толькі пачыналі рух.
Нядаўна ў Беларусі завяршыліся грамадскія абмеркаванні наконт новых пунктаў ПДР, сярод якіх прапаноўвалася дазволіць веласіпедыстам не злазіць з ровара на рэгуляваных пешаходных пераходах. А рабіць гэта толькі на нерэгулюемых. Афіцыйнае рашэнне па гэтым пытанні пакуль што не агучылі.
Каментары