Ноччу ў раёне Зыбіцкай мужчына паспрачаўся, што пераплыве Свіслач, — і ледзь не патануў
Ноччу 15 чэрвеня, выпіваючы з прыяцелямі на Зыбіцкай, мужчына паспрачаўся, што пераплыве Свіслач. Яго ледзь удалося выратаваць, паведамілі карэспандэнту «Мінск-Навіны» у міліцыі.
Каля 1.30 да пешага нарада сталічнага АМАП, які праходзіў па вуліцы Зыбіцкай, падбег грамадзянін і паведаміў, што ў Свіслачы тоне мужчына. Байцы адразу пабеглі да месца здарэння.
Там выратаваць мужчыну ўжо спрабаваў нейкі малады чалавек, але цела пайшло пад ваду. Супрацоўнікі АМАП Дзмітрый Максімаў і Уладзімір Лашкевіч пераскочылі праз парапет і збіраліся нырнуць у раку, але хлопец падаў знак, што знайшоў пацярпелага. Міліцыянты дапамаглі выцягнуць яго з вады.
«Мужчына не дыхаў, у яго не было пульса, — распавяла афіцыйны прадстаўнік ГУУС Мінгарвыканкама Наталля Ганусевич. — Супрацоўнікі выклікалі хуткую дапамогу і сталі праводзіць рэанімацыю сваімі сіламі — рабілі штучнае дыханне і непрамы масаж сэрца. Як толькі прыбылі медыкі, яны ўвялі пацярпеламу адрэналін, і той задыхаў самастойна. Яго шпіталізавалі.
Высветлілася, што мужчына бавіў час у адным з бараў на Зыбіцкай і паспрачаўся з прыяцелямі, што зможа пераплысці Свіслач. Аднак сілаў не разлічыў і пайшоў на дно. Калі б не адважны малады чалавек і міліцыянты, якія аказалі першую дапамогу, яго наўрад ці б удалося выратаваць.
Мужчына з Зыбіцкай, які спрабаваў пераплыць Свіслач, памёр у бальніцы
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»23
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары