СК: Музыкант «Нейра Дзюбеля» патлумачыў, што ударыў сам сябе нажом пасля працяглай п’янкі
Следчы камітэт паведаміў падрабязнасці інцыдэнту з вакалістам Neuro Dubel Юрыем Навумавым.
У адной са сталічных кватэр на працягу некалькіх дзён мужчына і маладая пара распівалі алкаголь. Днём 18 чэрвеня на нумар 103 звярнулася дзяўчына з просьбай прыехаць да яе ў кватэру для аказання медыцынскай дапамогі. Медыкамі ў музыкі было выяўлена нажавое раненне ў вобласці жывата, аказана неабходная дапамога. Затым яго даставілі ў бальніцу, дзе ён працягвае знаходзіцца да гэтага часу.
Завялі крымінальную справу па ч.1 ст.147 (наўмыснае прычыненне цяжкага цялеснага пашкоджання) Крымінальнага кодэкса.
На дачыненне да здзяйснення злачынства правяраюцца 25-гадовы хлопец і 19-гадовая дзяўчына, якія пражываюць у кватэры.
У ходзе следства Юрый Навумаў растлумачыў, што нажавое раненне ён прычыніў сабе самастойна і на яго ніхто не нападаў.
Чытайце таксама: Вакаліст Neuro Dubel Юрый «Паскуда» Навумаў у рэанімацыі з нажавым раненнем
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў12
Каментары