Дачка экс-дыктатара Узбекістана папрасіла прабачэння ў народа і вярнула дзяржаве $1,2 мільярда
Гульнара Карымава, дачка памерлага ўзбекскага дыктатара Іслама Карымава, якая знаходзіцца ў зняволенні, звярнулася са зваротам да жыхароў Узбекістана.
Тэкст быў апублікаваны ў інстаграм-канале яе дачкі Іман.
Гульнара Карымава папрасіла прабачэння ў народа за «расчараванне, якое яна прынесла». Яна запэўніла, што вярнула дзяржаве актывы на суму $1,2 мільярда.
Апроч таго, яна адмовілася ад прэтэнзій на $680 мільёнаў, якія знаходзяцца на рахунках у Швейцарыі.
Па словах Гульнары Карымавай, ёй патрэбныя дзве аперацыі, таму яна і звярнулася да прэзідэнта Узбекістана.
Яшчэ пры жыцці бацькі Гульнару Карымаву прысудзілі да дзесяці гадоў зняволення і адправілі пад хатні арышт. Некалькі месяцаў таму яе перавялі ў калонію.
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары