Dačka eks-dyktatara Uźbiekistana paprasiła prabačeńnia ŭ naroda i viarnuła dziaržavie $1,2 miljarda
Hulnara Karymava, dačka pamierłaha ŭźbiekskaha dyktatara Isłama Karymava, jakaja znachodzicca ŭ źniavoleńni, źviarnułasia sa zvarotam da žycharoŭ Uźbiekistana.
Tekst byŭ apublikavany ŭ instahram-kanale jaje dački Iman.
Hulnara Karymava paprasiła prabačeńnia ŭ naroda za «rasčaravańnie, jakoje jana pryniesła». Jana zapeŭniła, što viarnuła dziaržavie aktyvy na sumu $1,2 miljarda.
Aproč taho, jana admoviłasia ad pretenzij na $680 miljonaŭ, jakija znachodziacca na rachunkach u Šviejcaryi.
Pa słovach Hulnary Karymavaj, joj patrebnyja dźvie apieracyi, tamu jana i źviarnułasia da prezidenta Uźbiekistana.
Jašče pry žyćci baćki Hulnaru Karymavu prysudzili da dziesiaci hadoŭ źniavoleńnia i adpravili pad chatni aryšt. Niekalki miesiacaŭ tamu jaje pieraviali ŭ kałoniju.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary