Элуана Энглара, якая знаходзіцца ў коме цягам 17 гадоў, была перавезена ў клініку горада Удынэ на паўночным усходзе Італіі, дзе, згодна з атрыманай інфармацыяй, яна зможа памерці.
37‑гадовая жанчына, якая не можа вярнуцца ў прытомнасць са студзеня 1992 г. у выніку аўтакатастрофы,
стала сімвалам барацьбы за права эўтаназіі.Яе жыццё падтрымліваецца штучным шляхам, а яе родныя доўгі час дабіваліся права на смерць.
Апошнюю кропку паставіў суд Мілана, які адмяніў папярэдні вердыкт уладаў Ламбардыі аб працягу падтрымкі сістэм жыццязабеспячэнні Элуаны. Каб сістэмы перасталі функцыянаваць, патрабуецца некалькі дзён.
Родным прыйшлося забраць Элуану з каталіцкай бальніцы — просьба аб эўтаназіі не толькі раскалола каталіцкае грамадства, але і ў першую чаргу выклікала магутную хвалю пратэсту з боку Ватыкана.
Каментары