Заснавальніцу кампаніі #MeToo у Францыі прызналі вінаватай у паклёпе. Цяпер яна адкажа за свае словы
Французскі суд прызнаў вінаватай у паклёпе Сандру Мюлер, якая пачала ў краіне кампанію супраць сэксуальных дамаганняў услед за вядомым у сацсетках флэшмобам #MeToo, пад якім жанчыны публікавалі падобныя гісторыі, піша BBC.
У кастрычніку 2017 года Мюлер напісала ў Twitter: «#balancetonporc! Вы таксама можаце распавесці, назваўшы імя і падрабязнасці сэксуальнага дамагання, ахвярай якога вы сталі на працы».
Праз усяго некалькі гадзін яна напісала яшчэ адзін твіт: «У цябе вялікія грудзі. Ты — мой тып жанчыны. Я зраблю табе аргазм на ўсю ноч», дадаўшы імя і пасаду Эрыка Брыёна, які займаў кіруючую пасаду на французскім ТБ.
Аднак Брыён ніколі не працаваў з Мюлер. Ён прызнаўся, што спрабаваў фліртаваць з Мюлер, аднак пасля таго, як яна адхіліла ягоныя заляцанні, ён папрасіў прабачэння за свае словы і не дакучаў ёй.
Брыён назваў «машыну», якую Мюлер запусціла сваімі твітамі, «нястрымнай», і заявіў, што праз гэта ён зазнаў сур'ёзныя прафесійныя і асабістыя наступствы.
Цяпер Мюлер павінна будзе выплаціць Брыёну 20 000 еўра ў якасці кампенсацыі за шкоду і страчаныя ганарары. Таксама яе абавязалі выдаліць той твіт за 2017 год і апублікаваць у сябе на старонцы рашэнне суда.
Цяпер чытаюць
«Некаторых маіх сяброў беларушчынай перакармілі». Як нарадзіцца і ўсё жыццё пражыць у Сібіры, а лічыць сябе беларускай?1
«Некаторых маіх сяброў беларушчынай перакармілі». Як нарадзіцца і ўсё жыццё пражыць у Сібіры, а лічыць сябе беларускай?
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары