Дзяржава:
1. 19 лютага ў Мінску адбылася паседжанне круглага стала «Родная мова роднай зямлі». Сярод удзельнікаў — Аляксандар Лукашанец, дырэктар інстытуту мовы і літаратуры, паэт і дырэктар замежнага вяшчання Беларускага радыё Навум Гальпяровіч, дарадца міністра адукацыі па сувязях з грамадскасцю Віктар Іўчанкаў. Падчас абмеркавання адзін з удзельнікаў, сын Якуба Коласа, навукоўца Міхась Канстанцінавіч Міцкевіч заўважыў, што скасаванне «ганебнага закона» аб двухмоўі дазволіць змяніць надзвычай цяжкую сітуацыю ў краіне з беларускай мовай.
2. Незадоўга да дня роднай мовы дзяржаўная тэлефонная кампанія «Белтэлекам» увяла новую паслугу — праслухоўванне казак па-беларуску. Вы набіраеце 196 з хатняга тэлефона і слухаеце ўпадабаную казку. Кошт — 73 рублі за хвіліну.
3. У навінах першага каналу апошнім часам павялічылася колькасць рэпартажаў на беларускай мове. Калі ўжо некалькі гадоў на навінах па-беларуску ішлі паасобныя перадачы на тэмы культуры, дык цяпер, тры тыдні пасля сустрэчы старшыні ТБМ Алега Трусава і кіраўніка БТ Аляксандра Зімоўскага, крыху абеларушаны гаспадарча-грамадскі блок. Адзін дзень у выпуску навінаў было ажно 4 рэпартажы па-беларуску.
Акадэмічныя колы:
Цэлы тыдзень на філфаку БДУ ішлі мерапрыемствы, прысвечаныя дню роднай мовы: сустрэчы студэнтаў з мовазнаўцамі, вечар перакладаў, а таксама выступ хору выкладчыкаў і студэнтаў «Натхненне».
Грамадскасць:
Таварыства Беларускай Мовы імя Францішка Скарыны ладзіць ужо другую агульнабеларускую дыктоўку, што мае адбыцца па ўсёй Беларусі ў тры этапы: 21 лютага, 15 і 25 сакавіка 2009 года. 21 лютага дыктоўку можна напісаць на сядзібе таварыства (Румянцава, 13) а 11 і а 12 гадзінах. На сайце ТБМ пададзены тэкст дыктоўкі.
У дадатак 21 лютага а 2-ой гадзіне ТБМ запрашае ў Палац Мастацтваў (вул.Казлова, 3) на ўрачыстасці, прысвечаныя Міжнароднаму дню роднай мовы. У праграме: уганараванне прапагандыстаў беларускай мовы, прэзентацыя грамадскіх ініцыятыў (стварэнне размоўніка) а таксама канцэртная праграма.
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце30
Каментары