Калі вам лянотна адсочваць, якімі кінапрэм'ерамі парадуюць беларускага гледача кінатэатры ад заўтра, даверцеся нашаму выбару — 3 фільмы розных жанраў на любы густ у нашай падборцы, якія пачнуць паказваць з 24 кастрычніка.
«Zомбілэнд: Кантрольны стрэл»
ЗША, рэж. Рубен Флейшэр
чорная камедыя, фільм жахаў, постапакаліптыка
Гэты амерыканскі камедыйны фільм жахаў рэжысёра Рубена Флейшэра — прамы працяг фільма «Сардэчна запрашаем у Zомбілэнд», які выйшаў на экраны 10 год таму, у 2009-м.
Галоўныя героі зноў будуць змагацца з войскам зомбі, якое на гэты раз эвалюцыянуе і стане яшчэ больш крыважэрным. Адначасова з барацьбой з ажылымі мерцвякамі ім прыйдзецца вырашаць праблемы ўнутры ўласнага калектыву, якія растуць як снежны ком.
Іншыя
Канада, ЗША, рэж. Зэк Ліпоўскі, Адам Б. Стэйн
драма, трылер, фантастыка
У адасобленым доміку аднаго з раёнаў Лос-Анджэлеса жывуць маленькая дзяўчынка і яе клапатлівы бацька. Цалкам нармальная сям'я, калі не лічыць, што дзяўчынка адным позіркам можа падняць у паветра аграменную шафу, а ў бацькі заўсёды напагатове зняты з засцерагальніка пісталет. Кожны дзень, сыходзячы з хаты, тата замыкае дачку і катэгарычна забараняе адчыняць дзверы. Ёй нельга ні з кім размаўляць і не дазволена нават падыходзіць да акна. Адзінае забаўка дзяўчынкі — употай назіраць з-за фіранак за фургончыкам прадаўца марозіва, які цэлымі днямі тырчыць каля іх хаты. Грае музыка і таямнічы голас заклікае яе адамкнуць дзверы і паласавацца салодкім.
Малой так хочацца марожанага, але ж тата сказаў, што гэта смяротна небяспечна: ніхто не павінен яе бачыць! І вось аднойчы дзяўчынка парушае забарону, і пачынаюцца самыя неверагодныя падзеі, якія толькі можна ўявіць.
Арахісавы сокал
ЗША, рэж. Тайлер Нілсан, Майк Шварц
драма, камедыя, прыгоды
У цэнтры сюжэту — хлопец па імені Зак з сіндромам Дауна, ён бачыў жыццё толькі па тэлевізары і марыць стаць байцом рэслінгу. Таму збягае са свайго жытла і адпраўляецца насустрач прыгодам. Яго шляхі перасякаюцца з Тайлерам, які хаваецца ад парачкі галаварэзаў. Так зусім розныя людзі становяцца спадарожнікамі. Тайлер абяцае Заку, што даставіць яго ў школу рэслінгу, каб той мог ажыццявіць сваю мару. Але шлях іх чакае няпросты і вельмі доўгі, паколькі яны не могуць перасоўвацца па аўтамагістралях. Ім трэба быць вельмі асцярожнымі.
Увесь гэты час пошукі зніклага Зака вядзе маладая медсястра Элеанор, якая моцна перажывае за бездапаможнага маладога чалавека…
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары