Kali vam lanotna adsočvać, jakimi kinapremjerami paradujuć biełaruskaha hledača kinateatry ad zaŭtra, davierciesia našamu vybaru — 3 filmy roznych žanraŭ na luby hust u našaj padborcy, jakija pačnuć pakazvać z 24 kastryčnika.
«Zombiłend: Kantrolny streł»
ZŠA, rež. Rubien Flejšer
čornaja kamiedyja, film žachaŭ, postapakaliptyka
Hety amierykanski kamiedyjny film žachaŭ režysiora Rubiena Flejšera — pramy praciah filma «Sardečna zaprašajem u Zombiłend», jaki vyjšaŭ na ekrany 10 hod tamu, u 2009-m.
Hałoŭnyja hieroi znoŭ buduć zmahacca z vojskam zombi, jakoje na hety raz evalucyjanuje i stanie jašče bolš kryvažernym. Adnačasova z baraćboj z ažyłymi mierćviakami im pryjdziecca vyrašać prablemy ŭnutry ŭłasnaha kalektyvu, jakija rastuć jak śniežny kom.
Inšyja
Kanada, ZŠA, rež. Zek Lipoŭski, Adam B. Stejn
drama, tryler, fantastyka
U adasoblenym domiku adnaho z rajonaŭ Łos-Andželesa žyvuć maleńkaja dziaŭčynka i jaje kłapatlivy baćka. Całkam narmalnaja siamja, kali nie ličyć, što dziaŭčynka adnym pozirkam moža padniać u pavietra ahramiennuju šafu, a ŭ baćki zaŭsiody napahatovie źniaty z zaścierahalnika pistalet. Kožny dzień, sychodziačy z chaty, tata zamykaje dačku i kateharyčna zabaraniaje adčyniać dźviery. Joj nielha ni z kim razmaŭlać i nie dazvolena navat padychodzić da akna. Adzinaje zabaŭka dziaŭčynki — upotaj nazirać z-za firanak za furhončykam pradaŭca maroziva, jaki cełymi dniami tyrčyć kala ich chaty. Hraje muzyka i tajamničy hołas zaklikaje jaje adamknuć dźviery i pałasavacca sałodkim.
Małoj tak chočacca marožanaha, ale ž tata skazaŭ, što heta śmiarotna niebiaśpiečna: nichto nie pavinien jaje bačyć! I voś adnojčy dziaŭčynka parušaje zabaronu, i pačynajucca samyja nievierahodnyja padziei, jakija tolki možna ŭjavić.
Arachisavy sokał
ZŠA, rež. Tajler Niłsan, Majk Švarc
drama, kamiedyja, pryhody
U centry siužetu — chłopiec pa imieni Zak ź sindromam Dauna, jon bačyŭ žyćcio tolki pa televizary i maryć stać bajcom reślinhu. Tamu źbiahaje sa svajho žytła i adpraŭlajecca nasustrač pryhodam. Jaho šlachi pierasiakajucca z Tajleram, jaki chavajecca ad parački hałavarezaŭ. Tak zusim roznyja ludzi stanoviacca spadarožnikami. Tajler abiacaje Zaku, što dastavić jaho ŭ škołu reślinhu, kab toj moh ažyćciavić svaju maru. Ale šlach ich čakaje niaprosty i vielmi doŭhi, pakolki jany nie mohuć pierasoŭvacca pa aŭtamahistralach. Im treba być vielmi aściarožnymi.
Uvieś hety čas pošuki źnikłaha Zaka viadzie maładaja miedsiastra Eleanor, jakaja mocna pieražyvaje za biezdapamožnaha maładoha čałavieka…
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača45
Kamientary