Найбуйнейшы вытворца малака ў ЗША збанкрутаваў: не вытрымаў канкурэнцыі з боку новых раслінных напояў
Найбуйнейшы амерыканскі вытворца малака Dean Foods падае дакументы на банкруцтва, паведамляе CNN.
94-гадовая кампанія перажывала цяжкія часы, таму што амерыканцы п'юць менш каровінага малака. У 2019 годзе продажы кампаніі ўпалі на 7% у першай палове года, а прыбытак зменшыўся на 14%. Акцыі Dean Foods абваліліся 80% сёлета.
Кампанія падае на банкруцтва, каб правесці рэструктурызацыю і захаваць бізнэс.
Малако паступова губляе папулярнасць сярод спажыўцоў, якія шукаюць менш салодкія або раслінныя альтэрнатывы.
Па прагнозах Euromonitor, сусветны рынак заменнікаў малака сёлета перавысіць 18 мільярдаў даляраў, што на 3,5% больш, чым у 2018 годзе.
Продажы каровінага малака зніжаюцца на працягу апошніх чатырох гадоў.
А вось продажы, напрыклад, аўсянага малака за апошні год падскочылі на 636% — да 53 мільёнаў даляраў.
Цяпер чытаюць
Даследчыкі знайшлі месца ў Беларусі, дзе базуецца «Арэшнік»5
Каментары