Індыйская паліцыя забіла чатырох падазраваных у згвалтаванні падчас следчага эксперыменту
Падазраваныя былі затрыманыя, ім выставілі абвінавачванні, а ў пятніцу раніцай дзесяць паліцэйскіх разам з абвінавачанымі адправіліся на месца злачынства, каб аднавіць падрабязнасці таго, што адбылося, паведаміў камісар паліцыі bbc.com. Ён удакладніў, што мужчыны былі без кайданкоў.
«Чацвёра мужчын разам напалі на паліцэйскіх з палкамі і камянямі, выхапілі ў двух афіцэраў зброю і пачалі страляць», - распавёў камісар, адказваючы на пытанні аб тым, чаму мужчыны былі забітыя.
«Хоць афіцэры захоўвалі стрыманасць і прасілі іх здацца, яны працягвалі страляць і нападаць на нас. Гэта працягвалася 15 хвілін. Мы ўжылі меры ў адказ, і чацвёра абвінавачаных былі забітыя», — заявіў ён.
Камісар дадаў, што двое супрацоўнікаў атрымалі траўмы галавы, але гэта не агнястрэльныя раненні. Паліцэйскія трапілі ў бальніцу.
Калі з'явіліся паведамленні аб забойстве чатырох абвінавачаных, на вуліцы выйшлі тысячы людзей, якія святкавалі тое, што здарылася, і ўхвалялі дзеянні паліцыі.
Дзяўчына была забітая 27 лістапада. Каля шасці вечара яна выехала з дому на матацыкле, яна адправілася на прыём да доктара.
Па шляху ў матацыкла спусціла кола, і кіроўца грузавіка прапанаваў ёй дапамогу. Яна пагадзілася, але замест дапамогі дзяўчыну завабілі ў двор, згвалтавалі, забілі, а яе цела паспрабавалі спаліць.
Яе труп у чацвер выявіў пад мостам малочнік, які праходзіў міма.
Затрымаць падазраваных удалося, бо дзяўчына паспела патэлефанаваць сястры, распавёўшы пра спушчаную шыну, кіроўцу грузавіка і пра тое, дзе яна знаходзіцца.
Нягледзячы на тое, што ў дачыненні да гвалтаўнікоў ў Індыі ўжываюцца суровыя меры пакарання, няма прыкмет таго, што злачынстваў супраць жанчын становіцца менш.
Паліцыяй зарэгістравана 33 658 выпадкаў згвалтавання ў Індыі ў 2017 годзе. У сярэднім гэта 92 згвалтаванні ў дзень.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?6
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць77
Каментары