Адбылася тэлефонная размова міністра замежных спраў Беларусі Уладзіміра Макея з Дзяржаўным сакратаром ЗША Майклам Пампеа, паведамілі ў прэс-службе МЗС Беларусі.
У ходзе гутаркі кіраўнік замежнапалітычнага ведамства ЗША растлумачыў прычыны пераносу тэрміну свайго візіту ў Беларусь.
З беларускага боку пацверджана гатоўнасць прыняць Дзяржаўнага сакратара ЗША з візітам у ўзаемапрымальныя даты, адзначана важнасць адкрытага абмену думкамі па пытаннях развіцця двухбаковых адносінаў, сітуацыі ў рэгіёне і свеце ў цэлым.
Падчас абмеркавання сітуацыі ў блізкаўсходнім рэгіёне Уладзімір Макей выказаў асуджэнне любых дзеянняў, якія парушаюць прадугледжаныя Венскай канвенцыяй аб дыпламатычных зносінах прывілеі і імунітэты дыпламатычных прадстаўніцтваў.
Ён заявіў, што беларускі бок заклікае ўсе бакі праяўляць стрыманасць і імкнуцца да дээскалацыі напружанасці, а таксама падкрэсліў неабходнасць захавання прынцыпаў міжнароднага права ў мэтах ўстойлівага забеспячэння міжнароднай бяспекі ў глабальным і рэгіянальным вымярэннях.
Цяпер чытаюць
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары