Аляксандр Каваленя і цесць Фёдара Поўнага атрымалі прэмію «За духоўнае адраджэнне»
Аляксандр Лукашэнка прысудзіў прэміі «За духоўнае адраджэнне» і спецыяльныя прэміі дзеячам культуры і мастацтва, паведамляе БелТА.
Сярод тых, хто атрымаў гэтую прэмію — скандальны гісторык, акадэмік-сакратар аддзялення гуманітарных навук і мастацтваў НАН Беларусі Аляксандр Каваленя. Ён атрымаў гэтую прэмію ў складзе аўтарскага калектыву за стварэнне фундаментальнага картаграфічнага выдання «Вялікі гістарычны атлас Беларусі». Разам з ім прэмію атрымалі галоўны рэдактар РУП «Белкартаграфія» Галіна Ляхава, дырэктар ДУ «Беларускі навукова-даследчы цэнтр электроннай дакументацыі» Вячаслаў Насевіч.
Нагадаем, раней гісторыка Каваленю назвалі «навукоўцам года» Акадэміі навук.
Каваленя быў адным з аўтараў радыкальна саветафільскага, бескрытычнага да таталітарнага мінулага і далёкага ад мэйнстрыму сучаснай беларускай гістарычнай думкі артыкула «Да пытання аб гістарычнай палітыцы».
Таксама Каваленя лічыць, што Тадэвуша Касцюшку нельга лічыць нацыянальным героем Беларусі. Ён заяўляў, што калі б Сувораў не разбіў Касцюшку, не было б ніякай Беларусі.
Чытайце таксама:
Скандальнага гісторыка Каваленю прызналі ў Акадэміі навук «навукоўцам года»
Член-карэспандэнт Каваленя: Калі б Сувораў не разбіў Касцюшку, не было б ніякай Беларусі
Сілавікі і афіцыйныя гісторыкі апублікавалі артыкул «Да пытання аб гістарычнай палітыцы»
У спісе лаўрэатаў прэміі ёсць таксама настаяцель прыхода храма святой роўнаапостальнай Марыі Магдаліны горада Мінска протаіерэй Іван Харашэвіч «за значны ўклад ва ўмацаванне ідэй міласэрнасці і арганізацыю работы Дома духоўнай асветы». Харашэвіч з'яўляецца цесцем Фёдара Поўнага.
Спецыяльную прэмію атрымаў расійскі артыст Ігар Круты «За распрацоўку і рэалізацыю творчай канцэпцыі маштабных цырымоній адкрыцця і закрыцця II Еўрапейскіх гульняў 2019 года».
Цяпер чытаюць
Што вядома пра затрыманых радыёаматараў, якім пагражае аж да расстрэлу16
Каментары