На Галапагосы вяртаецца самец чарапахі, які выратаваў ад вымірання свой від
Самец гіганцкай чарапахі па мянушцы Дыега, які лічыцца выратавальнікам свайго віду ад знікнення, вяртаецца на Галапагоскія астравы, піша BBC.
У 1960-я гады Дыега быў адным з 14 самцоў, адабраных для ўдзелу ў праграме размнажэння гіганцкіх чарапах на востраве Санта-Круз.
Гэтая праграма аказалася вельмі паспяховай, павялічыўшы колькасць віду там на больш чым 2 тысяч асобін.
100-гадовы Дыега стаў бацькам каля 800 чарапашак, апладніўшы на востраве сотні самак.
Гэтая праграма завершана, і ў сакавіку Дыега вернецца на Галапагос — на свой родны востраў Эспаньёла.
Як паведаміла Нацыянальная служба запаведнікаў Галапагоскіх астравоў, ён зноў увальецца ў папуляцыю гіганцкіх чарапах колькасцю ў 1800 асобін, каля 40% з якіх з'яўляюцца яго нашчадкамі.
Кіраўніцтва запаведніка лічыць, што ўпершыню Дыега быў вывезены з Галапагоскіх астравоў прыкладна 80 гадоў таму навуковай экспедыцыяй.
Каля 50 гадоў таму на востраве Эспаньёла засталося ўсяго два самцы і 12 самак віду Chelonoidis hoodensis.
Для выратавання віду Дыега быў вернуты на востраў з заапарка горада Сан-Дыега ў Каліфорніі.
Зараз Дыега знаходзіцца ў каранціне перад урачыстым вяртаннем на Эспаньёлу.
Галапагоскія астравы, якія ляжаць у Ціхім акіяне за 906 км на захад ад Эквадора, унесены ў спіс Сусветнай спадчыны ААН за сваю ўнікальную флору і фаўну.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос25
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5353
Каментары