Беларус узяў закладніка ў маскоўскім бізнэс-цэнтры. Помсціў лахатроншчыкам?
15 студзеня ў цэнтры Масквы беларус узяў у закладнікі работніка мутнай фінансавай кампаніі.
Беларуса завуць Віктар Крысін, яму 36 гадоў, паведамляе расійскае выданне «База». Крысін прыйшоў з нажом у офіс «Міжнароднага фінансавага цэнтра», дзе прыставіў нож да аднаго з супрацоўнікаў.
Праўда, паліцыя даволі хутка нейтралізавала нападніка. Крысіна затрымалі.
Але ж што прывяло яго ў бізнэс-цэнтр, які месціцца ў дзелавым цэнтры расійскай сталіцы? Хутчэй за ўсё грашовыя праблемы. Бо той самы «Міжнародны фінансавы цэнтр» — мутная кампанія, якая абяцае простаму і недасведчанаму абывацелю хуткі прыбытак ад інвестыцый у акцыі.
Крысін згубіў буйную суму на біржы, піша life.ru. У адчаі ён і прыйшоў з нажом у бізнэс-цэнтр.
Пра дзейнасць гэтага «Міжнароднага фінансавага цэнтру» выходзіла цэлае расследаванне на дзяржаўным тэлеканале «Расія». Спачатку кліента завабліваюць прыгожымі фармулёўкамі (інвестыцыйны партфель, фінансавая экспертыза, акцыі Эппл) і абяцанкамі заробкаў… а пасля высвятляюцца, што грошы былі пералічаныя нейкай канадскай кампаніі, а сам «Цэнтр» нібыта займаецца выключна кансультацыямі.
Вярнуць свае грошы амаль што нерэальна.
Прычым «фінансісты» не цураюцца самі шукаць ахвяраў, набываючы базы кантактаў і абзваньваючы людзей з прапановай сваіх паслуг.
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары