«У 2013—2015 гадох, пасьля паўнавартага аднаўленьня свае дзейнасьці, нашаму рэдакцыйнаму калектыву ўдалося перавыдаць каштоўныя выданьні, наклады каторых былі часткова страчаныя ў выніку непамыснага зьбегу абставінаў, — пиша рэдакцыя Arche. — Гэтыя перавыданьні чакаў шчасьлівейшы лёс: іхнаму распаўсюду ніхто не перашкаджаў, і гэтыя наклады практычна цалком разышліся. Некаторыя зь іх засталіся ў колькасьці лічаных паасобнікаў. Таксама ў час нядаўняга пераўліку на складзе знайшлі паасобнікі выданьняў, наклады каторых раней уважаліся распраданымі.
Гэта кнігі па гісторыі Беларусі, грунтоўныя штудыі беларускае мовы, нарысы беларускае найноўшае палітыкі, а таксама рэдкія нумары часопісу Arche. Цяперашні распродаж — гэта адна з апошніх, а можа нават апошняя мажлівасьць набыць важныя для беларускае культуры публікацыі.
Станьма шчасьлівымі ўладальнікамі рэдкіх паасобнікаў!
Пералік выданняў, даступных па акцыі, а таксама ўмовы іх атрымання можжна пабачыць на сайце Arche.
У разе ўзьнікненьня пытаньняў лістуйце на адрас [email protected] або тэлефануйце на нумар (29) 550-79-69.
Каментары