У мінскай галерэі «Падземка» (пр. Незалежнасці 43) адчынілася «Кнігарня Логвінава», але не проста якая: адзін дзень на тыдзень, у чацвер, з 6 да 7 вечара, кнігу тут можна купіць з рук літаратара.
Уладзімер Арлоў — пісьменнік і прадавец.
Андрэй Хадановіч — паэт перакладчык і прадавец.
Марыйка Мартысевіч — літаратарка журналістка і прадавец.
У мінскай галерэі «Падземка» (пр.Незалежнасці 43) адчынілася «Кнігарня Логвінава», але не проста якая: адзін дзень на тыдзень, у чацвер, з 6 да 7 вечара, кнігу тут можна купіць з рук літаратара.
Пісьменнік павінны трымаць дыстанцыю ад чытачоў – гэта аксіёма. І пэўна таму ў «Падземцы» пісьменніка ад спажыўца кніжнай прадукцыі падзяляе прылавак.
Учора першым прадаўцоў быў літаратар і мастак, аўтар раману «Падарожжа па гораду Сонцу» Артур Клінаў. «Ува мне, пэўна, загінуў крамнік, бо тут я пачуваюся як дома. Калі не быў бы літаратарам, дык абавязкова гандляваў ураздроб», — кажа Клінаў пасля сыходу яшчэ аднаго ашчасліўленага кнігай пакупніка. Літаратар глядзіць на гадзіннік. «Усё, змена скончылася, але пэўна яшчэ трохі папрацую — спадабалася».
19 сакавіка за прылаўкам кнігарні будзе стаяць аўтар «Краіны Беларусь» і зборніка апавяданняў «Ордэн Белай Мышы» Уладзімір Арлоў. Чытачы! У вас з’явілася цудоўная нагода памучыць улюбёнага пісьменніка: «Спадар Арлоў, пакажыце, калі ласка, вунь той раман з самай верхняй паліцы... Не , не падабаецца... А цяпер вунь той зборнік з далёкага кута...» І хай толькі паспрабуе адмовіць.
Цяпер чытаюць
Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку30
Каментары