Пасля інтэрв'ю Tut.by звольнілі галоўнага доктара Віцебскай бальніцы хуткай дапамогі
У Віцебску 30 красавіка звольнілі з пасады галоўнага доктара гарадской клінічнай бальніцы хуткай медыцынскай дапамогі, дэпутата гарсавета Сяргея Лазара. Пра гэта Tut.by паведамілі супрацоўнікі гэтай медустановы. Некаторыя медработнікі лічаць, што звальненне галоўнага доктара звязана з выхадам публікацыі на партале, у якой распавялі пра працу дактароў і медсясцёр у «бруднай зоне» бальніцы ў перыяд эпідэміі каранавіруса. У Міністэрстве аховы здароўя кажуць, што разрыў працоўных адносін з гэтым не звязаны.
Сяргей Лазар не патлумачыў Tut.by, з чым звязана яго звальненне:
— Давайце я не буду нічога каментаваць.
Прэс-сакратарка Міністэрства аховы здароўя Юлія Барадун патлумачыла:
— Працоўныя адносіны спынены па пагадненні бакоў, публікацыя на інтэрнэт-рэсурсе не мае дачынення да гэтай сітуацыі.
Сяргей Лазар нарадзіўся ў 1965 годзе ў Віцебску. Скончыў мясцовы медуніверсітэт па спецыяльнасці «лячэбная справа». З 1993 па 2002 гады працаваў оталарынголагам паліклінікі прадпрыемства «Кераміка» і медслужбы УУС аблвыканкама. Затым узначальваў гарадскую паліклініку № 5, быў намеснікам галоўнага доктара гарадской цэнтральнай паліклінікі.
У 2015 годзе прызначаны галоўным доктарам Віцебскай бальніцы хуткай дапамогі.
-
Яраслаў Раманчук дае прагноз, калі скончыцца вайна. І расказвае, чым цяпер займаецца і як яго шакавалі заявы Бабарыкі
-
Супрацоўніка КДБ, што быў ва ўкраінскім палоне, вярнулі ў Расію, а затым асудзілі ў Беларусі не менш чым на 10 гадоў
-
Памёр папулярны блогер па нерухомасці, які меў больш за 100 тысяч падпісчыкаў
Цяпер чытаюць
Яраслаў Раманчук дае прагноз, калі скончыцца вайна. І расказвае, чым цяпер займаецца і як яго шакавалі заявы Бабарыкі5
Каментары