Урад Беларусі лічыць магчымымі пастаўкі ў рэспубліку амерыканскай нафты праз Польшчу, абмеркаванне дадзенага пытання актывізуецца пасля зняцця каранціну, уведзенага з-за каранавіруса на польскай тэрыторыі. Пра гэта заявіў у чацвер журналістам першы віцэ-прэм'ер Дзмітрый Круты, піша БелТА.
«Думаю, калі каранцін будзе зняты ў Польшчы, гэтая тэма пачне абмяркоўвацца больш актыўна», — прыводзіць яго словы агенцтва БелТА.
Першы віцэ-прэм'ер таксама дадаў, што Беларусь працягвае працу па пашырэнні альтэрнатыўных паставак нафты, лічачы перспектыўным узаемадзеянне з Саудаўскай Аравіяй і ЗША.
«Праца з усімі краінамі, у якіх мы ўжо нафту набылі — азербайджанскую, нарвежскую, — і нашымі новымі партнёрамі, такімі як Саудаўская Аравія і ЗША, будзе працягвацца. Безумоўна, будзем старацца дамагацца максімальна выгадных умоў гэтых паставак», — сказаў Круты.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары