38-гадовага магілёўца падазраюць у забойстве роднага брата, паведамляе Следчы камітэт.
Следства выявіла, што вечарам 10 мая браты выпівалі ў сябе дома, але паміж імі ўзнік канфлікт. У ходзе сваркі адзін брат ударыў іншага нажом у плячо. Бойка здарылася на вачах у 11-гадовага хлопчыка — сына пацярпелага. Дзіця ўцякло да бабулі ў суседнюю хату і расказала пра бойку. Жанчына выклікала хуткую дапамогу, але медыкі не паспелі — мужчына памёр ад страты крыві.
Міліцыянеры агледзелі месца здарэння, сабралі доказы і дапыталі падазраванага. Ён быў беспрацоўным, часта выпіваў і прыцягваўся да адказнасці за кіраванне машынай п'яным.
Каментары