Карабель SpaceX з астранаўтамі паспяхова састыкаваўся з МКС
Карабель SpaceX з амерыканскімі астранаўтамі Дугласам Херлі і Робертам Бенкенам здзейсніў паспяховую стыкоўку з Міжнароднай касмічнай станцыяй (МКС), піша bbc.com.
Экіпаж NASA адправіўся да МКС на караблі Dragon, які стварыла кампанія Ілана Маска SpaceX. Упершыню ў гісторыі касмічных палётаў чалавека гэта зрабіла прыватная кампанія.
Чытайце таксама:
SpaceX Ілана Маска правяла першы ў гісторыі прыватны запуск з астранаўтамі ў космас ВІДЭА
Цяпер абодва астранаўты далучацца да амерыканска-расейскага экіпажу, які цяпер працуе на МКС.
Перад стыкоўкай астранаўты атрымалі дастаткова часу для адпачынку і далучыліся да традыцыі амерыканскіх астранаўтаў —выбралі назву свайму караблю.
«Мы выбралі Endeavour па некалькіх прычынах. Першая — праз гэта неверагоднае імкненне, з якім NASA, SpaceX і ЗША працавалі ад заканчэння праграмы шатлаў яшчэ ў 2011 годзе. Іншая прычына — трохі больш асабістая для Боба і мяне. Мы абодва зрабілі свае першыя палёты на шатле Endeavour, і выкарыстоўваць гэту назву для нас значыць вельмі шмат», - растлумачыў астранаўт Херлі.
Шатл Endeavour спынілі выкарыстоўваць дзевяць гадоў таму. Яго, у сваю чаргу, назвалі ў гонар карабля Endeavor, якім камандаваў брытанскі даследчык Джэймс Кук падчас падарожжа да Аўстраліі і Новай Зеландыі ў канцы XVIII стагоддзя.
Астранаўты правядуць на станцыі ад 30 да 110 дзён, а сам карабель Crew Dragon, паводле планаў, неўзабаве верне на зямлю іншых астранаўтаў, якія знаходзяцца на МКС.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»17
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары