Адзін з паліцэйскіх у ЗША, абвінавачаных у забойстве афраамерыканца Джорджа Флойда падчас затрымання, вызвалены пад заклад, гаворыцца ў публічнай базе звестак турмы ў акрузе Хенепін, пішуць інфармагенцтвы.
Звольнены з паліцыі Ту Тао вызвалены 4 ліпеня, сведчаць звесткі з базы.
Раней суд вызначыў заклад у 750 тысяч даляраў для вызвалення Тао да працэсу.
Яшчэ двое падазраваных паліцэйскіх былі вызваленыя пад аналагічны заклад у канцы чэрвеня. Галоўны падазраваны Дэрэк Шовен пакуль застаецца ў турме, для яго заклад вызначаны ў памеры 1,25 мільёна даляраў.
Забойства Флойда падчас затрымання паліцыяй выклікала хвалю маштабных пратэстаў і беспарадкаў спачатку ў ЗША, а потым і ў іншых краінах.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары