Першы беларускі алімпійскі чэмпіён: Людзі маюць права выказаць сваё меркаванне, сказаць сваё слова
Першы беларускі чэмпіён Алімпійскіх гульняў 82-гадовы Сяргей Макаранка, які атрымаў золата ў веславанні ў 1960-м годзе, у размове з Tribuna.com падзяліўся меркаваннем пра сітуацыю з выбарамі.
— Сочыце за сітуацыяй з выбарамі?
— Абавязкова. Вядома, сачу. Планшэтам карыстаюся. Усё неяк аднабока. Глядзіш у планшэт — і адны і тыя ж людзі. Не адчуваецца агня. Не ведаю, як іншыя, але я не адчуваю. Але барацьба — цікавая, але ў што гэта выльецца — не магу сказаць.
— Пра альтэрнатыўных прэтэндэнтаў у кандыдаты сфармавалі меркаванне — пра Бабарыку, Цапкалу, Ціханоўскую?
- Не вельмі моцнае. Тое, што ў планшэце пішуць. Размовы сярод людзей. Зараз праз каранавірус кантакты невялікія — мала бываеш у калектыве, у грамадстве. Размаўляеш мала, акрамя як па тэлефоне. Шмат інфармацыі няма, хоць многія кажуць, што задаволеныя, што ёсць такая альтэрнатыва, што ёсць барацьба. Гэта прымушае кандыдатаў паглядзець на патрэбы народа — такія вось выказванні.
- Бачылі пратэстныя акцыі ў гарадах Беларусі?
- Не бачыў, акрамя як у планшэце. Я не быў у горадзе, не бачыў гэтага. Але планшэт — гэта планшэт. Наогул, у гэтым плане інтэрнэт… больш за ўсё там бруду, чым натуральных, здаровых адносін.
- Як вам здаецца, людзі маюць права выходзіць і выказваць сваю пазіцыю?
— Безумоўна. Вядома, маюць права. Гэта ж краіна людзей. Гэта не іх краіна — не кандыдатаў, не прэзідэнта краіна, а людзей. Людзі маюць права выказаць сваё меркаванне, сказаць сваё слова, запатрабаваць, выказаць свае пажаданні, меркаванні. Вядома, гэта краіна людзей, і да меркавання людзей трэба прыслухоўвацца.
— А тое, што праваахоўныя органы жорстка затрымліваюць пратэстоўцаў, бачылі?
— Думаю, гэта, вядома, няправільна. Не прысутнічаў пры затрыманні і не магу сказаць пра гэта. Не ведаю, як гэта адбываецца, не бачыў, не ўдзельнічаў.
Каментары