Міністр замежных спраў Венгрыі назваў фэйкам навіны пра адмену сустрэчы Трампа і Пуціна ў Будапешце
Пра гэта Петэр Сіярта напісаў у сваім твітары.
«З таго моманту, як было абвешчана пра мірны саміт у Будапешце, было відавочна, што многія зробяць усё магчымае, каб гэтага не адбылося. Правайсковая палітычная эліта і іх СМІ заўсёды паводзяць сябе падобным чынам перад падзеямі, якія могуць аказацца вырашальнымі паміж вайной і мірам», — напісаў міністр замежных спраў Венгрыі.
Ён адзначыў, што адна і тая ж гісторыя паўтараецца амаль перад кожным пасяджэннем Еўрапейскай рады, або перад прыняццем рашэнняў пра санкцыі.
«Пакуль саміт сапраўды не адбудзецца, чакайце хвалі ўцечак, фэйкавых навін і заяў пра тое, што гэтага не адбудзецца», — дадаў ён.
Нагадаем, што на мінулым тыдні падчас тэлефоннай размовы Дональда Трампа і Уладзіміра Пуціна стала вядома пра магчымую будучую сустрэчу прэзідэнтаў у Будапешце (першая адбылася 15 жніўня на Алясцы). Потым Трамп сказаў, што сустрэча ў сталіцы Венгрыі можа адбыцца цягам двух тыдняў.
Учора было заяўлена, што яе падрыхтоўка прыпынена.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары