У Саюзе журналістаў Расіі адказалі на словы Лукашэнкі пра выдварэнне замежных СМІ
Саюз журналістаў Расіі выступае супраць любых абмежаванняў працы СМІ ў Беларусі, у тым ліку высылкі замежных журналістаў за крытычныя публікацыі. Пра гэта «Газете.Ru» заявіў кіраўнік арганізацыі Уладзімір Салаўёў.
«Мы выступаем супраць любых абмежаванняў працы журналістаў, тым больш іх высылкі. Калі такое адбудзецца, мы будзем абмяркоўваць гэтую тэму з міжнароднымі праваабарончымі арганізацыямі. Мы кіруемся вельмі простым паняццем: калі журналіст нейкім чынам парушыў закон краіны, у якой ён працуе, то тады ўжо магчыма разглядаць меры супраць яго. Калі ён нічога не парушыў і выконвае свой абавязак, то караць яго нельга», - сказаў ён.
Салаўёў дадаў, што не заўважае ў публікацыях расійскіх СМІ аб прэзідэнцкай кампаніі ў Беларусі заклікаў да масавых беспарадкаў.
«Я такіх заклікаў не заўважаю, у кожнага сваё ўспрыманне. Ёсць выразныя юрыдычныя параметры, у тым, што тычыцца заклікаў да масавых беспарадкаў, - усё гэта могуць ацаніць юрысты», - растлумачыў кіраўнік СЖР.
Лукашэнка гнеўна выказаўся пра «Камсамольскую праўду», «Радыё Свабода» і Бі-бі-сі
Цяпер чытаюць
«Наталля Эйсмант можа ўсё». Арыштаваны за хабары дырэктар Палаца Рэспублікі ўжо на свабодзе і нават з новай пасадай12
Каментары