Палтаўскі нападнік, які сёння ўзяў у закладнікі работніка паліцыі і на аўтамабілі ехаў у Кіеў, адпусціў мужчыну і ўцёк. Спецаперацыя па яго затрыманні працягваецца, паведамілі Бі-бі-сі Украіна ў паліцыі Палтаўскай вобласці.
На пытанне, ці з закладнікам усё добра, у паліцыі ўдакладнілі — «яго адпусцілі, але ці ўсё добра, пакуль невядома».
Раніцай у чацвер у Палтаве мужчына, якога падазравалі ў незаконным завалоданні транспартнымі сродкамі, падчас затрымання дастаў гранату і пагражаў яе падарваць.
У той момант ён трымаў за руку супрацоўніка крымінальнага вышуку. Крыху пазней мужчына пагадзіўся абмяняць яго на начальніка ўпраўлення крымінальнага вышуку ў Палтаўскай вобласці, палкоўніка паліцыі Віталя Шыяна.
Нападнікам аказаўся 32-гадовы мясцовы жыхар Раман Скрыпнік.
Яго ўжо прыцягвалі да крымінальнай адказнасці ў 2007, 2008 і 2014 гадах.
Патрабаваннямі нападніка было вызваліць яго ад адказнасці за ўсе злачынствы.
Цяпер чытаюць
Былыя жонка і дзяўчына Пратасевіча аб’ядналіся і прыйшлі да яго новай нявесты, каб адпомсціць. І пагражаюць судом18
Каментары