Ярмошына: Складваецца ўражанне, што скаргі падаюць адны і тыя ж назіральнікі
Старшыня ЦВК Лідзія Ярмошына пракаментавала ход асноўнага дня галасавання на прэзідэнцкіх выбарах у Беларусі. Паводле яе назіранняў, скаргі падаюць адны і тыя ж назіральнікі, піша БелТА.
Лідзія Ярмошына адзначыла, што ад назіральнікаў увесь гэты час паступаюць пэўныя скаргі. «Прычым складваецца ўражанне, што скаргі падаюць адны і тыя ж людзі — некалькі дзясяткаў. І, мяркуючы па ўсім, ім абяцаная плата за падачу скаргаў. Таму што часцяком пытанне ўжо вырашана тэрытарыяльнай камісіяй, але ўсё роўна ідзе скарга ў Цэнтральную. Відавочна, здзельная аплата працы», — выказала здагадку старшыня ЦВК.
Каментары