Першы прэзыдэнт Украіны Леанід Краўчук праз Свабоду эмацыйна зьвярнуўся да кіраўніка Беларусі Аляксандра Лукашэнкі з заклікам спыніць гвалт, у адваротным выпадку, паводле Краўчука, «не пазьбегнуць нікому пакараньня самага высокага за злачынства». Некалькі цытатаў з іх інтэрв'ю.
Прэзыдэнт Лукашэнка, спыніце кровапраліцьце! Ніякімі доказамі, ніякімі перакананьнямі, ніякімі прыкладамі ў гісторыі ён ня зможа апраўдаць кровапраліцьце. У Беларусі пахаваны мой бацька, які абараняў нашу зямлю падчас Айчыннай вайны. Я перажываю страшна. Я нават не абураюся, я проста прашу, умаляю.
Магу гэтым жанчынам выказаць глыбокую ўдзячнасьць. Жанчына ня проста выходзіць з пратэстам, яна абараняе жыцьцё.
Я хачу верыць, што Расея не падтрымае тое, што адбываецца, гвалт найперш.
Каментары