СТБ назвала траўмы пяцігадовай дзяўчынкі ў Гродне няшчасным выпадкам. Пра сілавікоў, якія разбілі дубінкай шкло ў машыне, — ні слова
Фотаздымкі пяцігадовай Юлі з Гродна, якая пацярпела ў часе пратэстаў, абляцелі сацсеткі і месенджары.
Маці дзяўчынкі Іна распавядала TUT.BY на наступны дзень пасля здарэння, як былі атрыманыя траўмы.
Увечары 11 жніўня сям'я ехала з аднаго канца горада ў другі, аб'язджаючы перакрыты цэнтр праз вуліцу Савецкіх пагранічнікаў. Там, каля кальца, праходзіла акцыя пратэсту аўтамабілістаў: яны гучна сігналілі.
«Наперадзе нас былі Skoda і мікрааўтобус. Мы разгубіліся, калі ўбачылі, як ваенная тэхніка наперадзе пачынае падразаць бус — і той разварочваецца бокам. Муж выехаў на сустрэчную паласу, каб аб'ехаць. Але насустрач нам выбеглі амапаўцы, пачалі біць машыну дубінкамі — лабавое і бакавое шкло, люстэркі. Пасля гэтага ззаду ў нас уехала вайсковая тэхніка, быў моцны ўдар», — тлумачыла абставіны маці дзяўчынкі Іна.
Але зараз тэлеканал СТБ дае зусім іншую версію падзей, паводле якой адбыўся проста няшчасны выпадак.
«Сям'я Чэравухаў — абсалютна рэальныя людзі, на мітынгі не ходзяць, жывуць сваім жыццём, але праз акцыі пратэсту, якія праходзілі ў цэнтры Гродна, ім давялося ў той вечар ехаць дадому ў аб'езд. Па дарозе яны патрапілі ў аварыю», — так падае здарэнне СТБ.
У пацверджанне гэтай версіі тэлевізійшчыкі даюць каментар бацькі дзяўчынкі Уладзіміра.
«Вярталіся дадому, перад намі было шмат машын. Я спалохаўся, выехаў на сустрэчную паласу, пасля чаго, праз імгненне літаральна, адбылося сутыкненне», — кажа Уладзімір Чаравуха.
«Атрымліваецца, сілавікі не таранілі — аварыя адбылася выпадкова. Сям'я ўдзелу ў пратэстах не прымала, але вінаватых ўжо прызначылі, матэрыялы ўжо ў сетцы», — падсумоўвае СТБ.
Чытайце таксама: СТБ: Дзевятоўскі напісаў свой допіс пад ціскам, а цяпер знаходзіцца ў бальніцы
На тэлеканале СТБ выйшаў гідотны сюжэт пра Купалаўскі тэатр
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары