Адміністрацыя мінскага следчага ізалятара заявіла дачцэ У.Асіпенкі, што ў турме няма канвою, каб яго суправаджаць.
Адміністрацыя мінскага следчага ізалятара заявіла дачцэ У.Асіпенкі, што ў турме няма канвою, каб яго суправаджаць.Як паведаміла Людміла Асіпенка, учора памёр родны дзядзька таты, і яна звярнулася да следчага, каб той дазволіў ейнаму бацьку папрысутнічаць на пахаванні.
Аднак адказ быў адмоўны з‑за таго, што ў турме адсутнічае канвой.
Нагадаем, што Ўладзімір Асіпенка быў арыштаваны ў Ваўкавыску 8 лютага разам з Мікалаем Аўтуховічам і Юрыем Лявонавым. Усім траім прад’явілі абвінавачванне паводле артыкулу 218 (наўмыснае знішчэнне альбо пашкоджанне маёмасці).
Ніводзін з іх за гэты час не меў магчымасці сустрэцца з роднымі ці блізкімі. Мікалай Аўтуховіч ужо 8 дзён галадае, патрабуючы, каб расследаванне іх справы вялося галосна.
Праваабаронцы лічаць затрыманых палітычнымі вязнямі. Мікалай Аўтуховіч і Юры Лявонаў былі ўжо раней асуджаныя і вызваленыя датэрмінова.
Радыё «Свабода»
Каментары